Hirian «La Bombonera» izenez ezaguna, Labriteko Pilotalekua Nafarroako euskal pilotaren ikonoa da, eta Iruñeko kirol-espaziorik adierazgarrienetako bat. 1952an inauguratu zen euskal pilota –euskal-nafar kulturan sustrai sakonak dituen kirola– praktikatzeko eta sustatzeko leku ospetsu gisa.

Diseinu arkitektoniko trinko eta funtzionalak giro paregabea sortzen du zaleentzat. 1200 ikusle inguru hartzeko edukiera du, eta jokoarekiko gertutasun apartaz gozatzeko aukera ematen du. Ingurune abegikor horri esker, partida bakoitza intentsitatez bizi da, eta Labrit bisitatu beharreko leku bihurtzen da kirol tradizional honen grina bizi nahi dutenentzat.

Lehiaketa ofizialen eta maila handiko kirol-ekitaldien egoitza izateaz gain, Labriteko Pilotalekuak jarduera kulturalak ere hartu ditu; eta, gaur egun, espazio moldakor eta dinamikoa da. Iruñeko erdigunean dagoenez, erraz irits daiteke bertara, eta haren historiak eta garrantziak derrigorrezko «bisitaleku» bihurtzen dute eskualdeko kirol-tradizioa ezagutu nahi duten bertakoentzat nahiz turistentzat.